របៀប​ទាញ​យក​ ដំឡើង និង​ប្រើប្រាស់​កម្មវិធី BitTorrent

សួ​ស្ដី​អ្នក​អានជាទីស្រលាញ់។ ប្រសិន​បើ​អ្នក​ឆ្ងល់​ថា ហេតុ​អ្វីបានជា​​អ្នក​ដទៃ​អាច​ទាញយក​វីដេអូ ហ្គេម ខ្សែភាពយន្ត សៀវភៅ កម្មវិធី​កុំព្យូទ័រ តន្ត្រី កម្មវីធី​ទូរស័ព្ទ និង​សម្ភារ​ផ្សេងៗ​​ពី​អ៊ិនធើណិត​ដោយ​ឥតគិតថ្លៃ​បាននោះ អ្នក​នឹង​អាច​រក​ឃើញ​ចម្លើយ​ទៅទីនេះ ហើយ​អ្នក​ក៏​នឹង​ក្លាយ​ជាមនុស្ស​ម្នាក់​ក្នុ​ងចំណោម​ពួកគេ​ចាប់ពីពេល​នេះតទៅ។ ឯកសារ​ ឬកម្មវិធី​ភាគ​ច្រើន​ដែល​អ្នក​ប្រើប្រាស់​បានពេញលេញ​និង​មិនអស់លុយ​ គឺស្ថិតនៅ​លើ​គេហទំព័រ​នានា ដែល​អាចទាញ​យក​បាន​តាមរយៈ​កម្មវិធី​មួយ​ដែល​មាន​ឈ្មោះថា Torrent។

ដូច្នេះ ខាង​ក្រោម អ្នក​នឹង​រៀនអំពី​របៀប​ទាញ​យក​ ដំឡើង និង​ប្រើប្រាស់កម្មវិធីនេះ។

ក- របៀប​ទាញ​យក

១- ចូរទៅកាន់​គេហទំព័រ​ទាញយក​កម្មវិធី​នេះ ដោយ​ចុច​ត្រង់នេះ។

២- នៅពេល​នេះ អ្ន​ក​នឹងឃើញ​ផ្ទាំងដូចខាងក្រោម។ សូម​ចុច​លើ​ប៊ូតុង Get BitTorrent។

៣- បន្ទាប់មក​​ នៅផ្ទាំ​ងមួយ​ទៀត ចូរចុច​លើពាក្យ Free Download នោះ​អ្នក​នឹងឃើញ​ផ្ទាំង​ខាង​ក្រោម។ សូមចុច Open។

 

៤- ប្រសិនបើ​អ្នក​មាន​ Internet Download Manager នោះ​នឹង​ត្រូវ​ចុច​លើប៊ូតុង​ Start Download។

៥- ប្រសិនបើ អ្នក​មិនឃើញ​ផ្ទាំង​ដូចបង្ហាញ​ក្នុង​ជំហានទី ៣ ឬទី​៤ ទេនោះ ចូរ​ចុចលើពាក្យ Click Here ដូចខាងក្រោម រួច​ធ្វើ​តាម​ជំហានទី ៣ ឬ ទី៤។

ខ- របៀប​ដំឡើង​កម្មវិធី BitTorrent

១- អ្នក​ត្រូវចុច​លើ​ពាក្យ​ Open ប្រសិនបើ​អ្នក​ប្រើ​ Internet Download Manager

២- ឬ ចូល​ទៅកាន់​កន្លែង​ដែលអ្នក​បាន​ទាញ​យក​កម្មវិធីនេះ។ ជាទូទៅ​វានៅ​ក្នុង​ Download ប៉ុន្តែ​ប្រសិនបើ​អ្នក​ទាញ​យក​តាម Internet Download Manager នោះ​អ្នក​នឹង​ត្រូវ​ចូលទៅ Download > Program

៣- ​ចូរ​ចុច​លើពាក្យ Yes បន្ទាប់​មក Next ពីរដង រួច I Agree រួច Next បីដង និង​ទីបញ្ចប់ចុចលើពាក្យ Finish នោះ​នឹង​ឃើញ​ផ្ទាំងដូច​ខាង​ក្រោម។ 

៤- សូម​ចុច​សញ្ញា​ខ្វែង​បិទវាទៅ ហើយ​អ្វី​ដែល​ត្រូវ​ធ្វើ​បន្ទាប់នោះគឺ​របៀប​ទាញ​យក​ឯកសារ ហ្គេម ភាពយន្ត និង​កម្មវិធី​គ្រប់​ប្រភេទ​ពីអ៊ិនធើណិតតាម​ជំហាន គ។

គ- របៀប​ប្រើប្រាស់ BitTorrent

 ១- ចូលទៅ​កាន់ Google

២- ឥឡូវ ឧទាហរណ៍ថា អ្នក​ចង់​ទាញ​យកភាពយន្ត Ironman 3។ នៅ​ក្នុង Google Search Box អ្នក​ត្រូវ​វាយ​ពាក្យ “Ironman 3 Torrent” ឬ ចុច​នៅទីនេះ ដើម្បីជា​ឧទាហរណ៍ជាក់ស្ដែង​។ នោះអ្នក​នឹង​ឃើញ​ផ្ទាំង​ដូច​ខាង​ក្រោម។ អ្វី​ដែល​អ្នក​ត្រូវ​ធ្វើ​នោះ​ចុចលើ​ប៊ូតុង GET THIS TORRENT

៣- ប្រសិនបើ​អ្នក​ឃើញ​ផ្ទាំង​បែបនេះ ចូរចុច​ពាក្យ Launch Application

៤- ចុច​លើពាក្យ OK នោះជាការស្រេច

 ចំណាំ៖ ខាងលើ​គ្រាន់តែ​ជាឧទាហរណ៍​មួយ​តែប៉ុណ្ណោះ ហើយ​ប្រសិនបើ​អ្នក​ទាញយក​កម្មវិធី​ផ្សេងៗ តាម​រយៈ BitTorrent នៅលើ​គេហំទំព័រ​ផ្សេងទៀត​អ្នក​ត្រូវ​រក​ឃ្លា​ដូចជា Get This Torrent, Download This Torrent ។ល។