ខាងក្រោមគឺជាដំណាក់កាល
ដើម្បីជួយអ្នកកែទម្លាប់ក្នុងជីវិតប្រចាំថ្ងៃរបស់អ្នកឱ្យបានល្អ៖
១- កំណត់អ្វីដែលអ្នកចង់សម្រេចឱ្យបាន
មុនដំបូង
អ្នកត្រូវកត់ចំណាំអំពីគោលដៅការងារ និងជីវិតរបស់អ្នក។
ប្រសិនបើអ្នកពិតជាចង់សម្រេចគោលដៅណាមួយ
អ្នកត្រូវដឹងឱ្យច្បាស់សិនថាតើគោលដៅនោះជាអ្វី។
ចូរកំណត់គោលដៅមួយ
រួចគិតអំពីទម្លាប់ ដែលអ្នកត្រូវធ្វើ ដើម្បីសម្រេចគោលដៅនោះ។
តើអ្វីដែលអ្នកត្រូវធ្វើ ដើម្បីធ្វើឱ្យគោលដៅរបស់អ្នកក្លាយជាការពិត?
សុភាតែងតែមានបំណងចង់ទៅរៀននៅសហរដ្ឋអាមេរិក។
គោលដៅរបស់គាត់គឺចង់រៀនភាសាអង់គ្លេស ដើម្បីអាចឱ្យគាត់អាចទទួលអាហារូបករណ៍បាន។
គាត់បានសម្រេចចិត្តចំណាយពេលមួយម៉ោងជារៀងរាល់ថ្ងៃ ដើម្បីរៀនភាសាអង់គ្លេស។
២-
កសាងទម្លាប់ល្អនៅក្នុងជីវិតរស់នៅប្រចាំថ្ងៃរបស់អ្នក
រកវិធីកសាងទម្លាប់ថ្មី
ដែលល្អនៅក្នុងជីវិតរបស់អ្នក។ ចូររកពេលមួយ សម្រាប់ទម្លាប់នោះ
ហើយដាក់វានៅក្នុងកាលវិភាគរបស់អ្នក
ដើម្បីឱ្យអ្នកអាចផ្តោតការយកចិត្តទុកដាក់លើទម្លាប់នេះ។ យកល្អ
ត្រូវកំណត់ពេលណា ដែលសក្តិសមបំផុតសម្រាប់អ្នក។
ឧទាហរណ៍៖
ធីតាដឹងថា
គាត់ធ្វើកិច្ចការអ្វីៗបានល្អបំផុតនៅពេលព្រឹកព្រលឹម។ គាត់ក៏ដឹងថា
គាត់អស់កម្លាំងណាស់ នៅពេលគាត់ចេញពីការងារ។
ដូច្នេះ
គាត់បានសម្រេចចិត្តថា គាត់នឹងយកពេលព្រឹកព្រលឹម ដើម្បីរៀនភាសាអង់គ្លេស។
គាត់ចូលគេងម៉ោង ១០ យប់ រួចក្រោកពីគេងនៅម៉ោង ៦ ព្រឹក។ នៅពេលល្ងាច
គាត់រៀបចំសម្លៀកបំពាក់សម្រាប់ធ្វើការងារ និងរៀបចំអាហារសម្រាប់ថ្ងៃស្អែក។ គាត់ក៏បានរក្សាទុកឯកសារសំឡេងភាសាអង់គ្លេសនៅក្នុងកុំព្យូទ័ររបស់គាត់នៅក្នុងបន្ទប់របស់គាត់ផងដែរ។
នៅពេលដែលគាត់ក្រោកពីគេង
គាត់បើកកុំព្យូទ័រ និងចាក់ស្តាប់ភាសាអង់គ្លេស
នៅពេលដែលគាត់កំពុងរៀបចំនៅពេលព្រឹក។
៣-
ឆ្លុះបញ្ចាំងពីទម្លាប់របស់អ្នក
នៅពេលដែលអ្នកកំពុងអនុវត្តទម្លាប់ល្អនេះ
ចូរឆ្លុះបញ្ចាំងពីវា។ ប្រសិនបើអ្នកពិបាកអនុវត្តឱ្យបានជាប់លាប់ ចូរគិតមើលថា
តើមកពីហេតុអ្វី។
ប្រសិនបើទម្លាប់ថ្មីនេះមិនផ្ដល់លទ្ធផលដែលអ្នករំពឹងចង់បានទេនោះ
ចូរឆ្លុះបញ្ចាំងថាតើមានអ្វីខុស។ អ្នកអាចធ្វើការកែលម្អនោះបន្តិចបន្តួច
ដើម្បីឱ្យវាសមស្របតាមគោលដៅ។
ឧទាហរណ៍៖
បន្ទាប់ពីរៀនស្ដាប់សំឡេងជាភាសាអង់គ្លេសអស់រយៈពេលបីសប្ដាហ៍ហើយ
ធីតាយល់ថា គាត់បានភ្លេចពាក្យមួយចំនួនដែលគាត់បានរៀន។ គាត់ដឹងថា
គាត់នឹងចងចាំបានច្រើនជាងមុន ប្រសិនបើគាត់កត់ចំណាំ
រួចគាត់ក៏ចាប់ផ្ដើមសរសេរពាក្យថ្មីៗ
និងអត្ថន័យថ្មីចូលទៅក្នុងសៀវភៅរបស់គាត់។
៤-
បង្កើតវិន័យផ្ទាល់ខ្លួន
ការសិក្សាបង្ហាញថា
អ្នកត្រូវចំណាយពេល ៦៦ ថ្ងៃ ដើម្បីបង្កើតទម្លាប់ថ្មីបាន។ ដូច្នេះ
អ្នកចាំបាច់ត្រូវមានវិន័យផ្ទាល់ខ្លួន។
វិធីមួយ
ដើម្បីពង្រឹងវិន័យផ្ទាល់ខ្លួនរបស់អ្នក គឺបង្កើតផែនទីកំណប់
ឬអ្វីដែលតំណាងឱ្យគោលដៅរបស់អ្នក។ ការធ្វើដូច្នេះជួយឱ្យអ្នកចងចាំអំពីសារៈសំខាន់នៃទម្លាប់ថ្មីរបស់អ្នក។
វាអាចជាអ្វីដែលអ្នកត្រូវការដើម្បីមានកម្លាំងចិត្ត
នៅពេលដែលអ្នកកាន់តែបាត់បង់ការខិតខំប្រឹងប្រែង។
ឧទាហរណ៍៖
ធីតាបានបង្កើតផែនទីកំណប់មួយ
នៅយប់ ដែលគាត់បានចាប់ផ្ដើមរៀនភាសាអង់គ្លេស។
គាត់បានបង្កើតបណ្ដុំរូបភាពអំពីទីក្រុងញូយ៉ក សហរដ្ឋអាមេរិក
រួមទាំងរូបភាពសាកលវិទ្យាល័យ ដែលគាត់ចង់រៀនផងដែរ។
គាត់មានអារម្មណ៍សប្បាយចិត្តចំពោះឱកាសនាពេលអនាគត។
បន្ទាប់ពីកែទម្លាប់ក្រោកពីគេងព្រឹកព្រលឹមបានពីរសប្ដាហ៍ហើយ
គាត់បានចាប់ផ្ដើមគិតចង់គេងបន្ត។ ទោះជាយ៉ាងណា នៅពេលដែលគាត់មើលផែនទីកំណប់របស់គាត់
គាត់ចងចាំអំពីគោលដៅរបស់គាត់។ គោលដៅនោះគឺសំខាន់ណាស់ ម្យ៉ាងទៀត
គាត់អាចគេងបន្តនៅចង់សប្ដាហ៍បាន។ គាត់ក៏ខិតខំបន្តការរៀននៅពេលព្រឹករបស់គាត់តទៅទៀត។
៥-
ស្វែងរកជំនួយ
ជួនកាល
វាពិបាកណាស់ក្នុងការប្រកាន់ខ្ជាប់ទម្លាប់ថ្មីដោយខ្លួនឯង។ ដូច្នេះ
អ្នកគួរបង្ហាញគោលដៅរបស់អ្នកទៅមិត្តភក្តិ ឬអ្នកធ្វើការជាមួយគ្នា
និងសុំឱ្យពួកគាត់ជួយអ្នក។ អ្នកអាចស្នើឱ្យពួកគាត់ទូរសព្ទមករកអ្នក
ដើម្បីពិនិត្យមើលពីដំណើរការរបស់អ្នក។ ហើយប្រសិនបើពួកគាត់មានគោលដៅដូចអ្នកដែរ
ចូរជួយគ្នាទៅវិញទៅមក ដើម្បីរក្សាទម្លាប់នេះ។
ឧទាហរណ៍៖
បន្ទាប់ពីធីតាប្រាប់មិត្តរបស់គាត់អំពីគោលដៅរបស់គាត់រួចហើយ
គាត់បានឯកភាពគ្នានិយាយតែភាសាអង់គ្លេសនៅពេលជួបគ្នា។
ធីតាមានអារម្មណ៍កាន់តែក្លៀវក្លា នៅពេលមានជំនួយពីមិត្តរបស់គាត់
ហើយឥឡូវគាត់មានឱកាសក្នុងការអនុវត្តការរៀនសូត្ររបស់គាត់។
http://ganharmassamuscular.org/ Merupakan Blog yang membahas seputar Review Agen Toto Sgp, Toto Hk Dan Permainan Togel Online Terpercaya Di Indonesia
ReplyDelete